GSM

hæ hó allir sérstaklega þú STÍNA

Gsm símanúmerið mitt er 001- 415 305 6702 EN það má bara hringja í það um helgar (allan sólarhringinn) eða á virkum dögun eftir klukkan sjö (hjá mér) sem er klukkan 2 að nóttu hjá ykkur. til 7 að morgni hjá mér sem er 2 að degi hjá ykkur

Annars er tíminn að fara að breytast og þá eru bara 6 tímar á milli okkar.

Kveðja Harpa
sem heyrir símann aldrei hringja!

Nyja myndavelin

Er búin að fá nýju myndavélina. Voða voða gaman. Ég er búin að taka aðeins á hana og ákvað að setja fyrstu myndina hér inn. Sóla var svo sæt þar sem hún svaf í aftursætinu með skemmtilega birtu á sér. Þið eigið svo eftir að sjá fullt af myndum, vonandi góðum á næstu dögum og mánuðum

Knús og góða nótt
Harpa sem er á leið í draumalandið

Ha! Aftur komin föstudagur?

Vá ég sem ætlaði að blogga aftur á mánudagskvöldið. Humm en já sem sagt það var geggjað í sveitinni. Ég sveitatúttan lærði ýmislegt nýtt. Vissuð þið til dæmis að Valhnetur og möndlur yxu á þokkalega stórum trjám??? Það vissi ég ekki en veit núna. Pat (amman) gaf okkur fullt af valhnetum úr garðinum sínum og svo fórum við út að týna möndlur saman áður er við lögðum af stað heim. Hrikalega krúttað, tra la la ég er farin út að týna möndlur. Ég meina kommon, þetta er ótrúlegt.
Humm en það er bara búið að vera fínt veður náttúrulega, ég búin að læra að gera geðveikt góða salatdressingu, enda étur maður næstum hálfan kálhaus hér í einum matmálstíma já allt er vænt sem vel er grænt eins og Denni (Steingrímur Hermans) sagði hér í denn, hehe. Já er ekki best að gefa ykkur svona viku yfirlit núna
Mánudagur: var leið, heima að vinna myndir, hringdi í mömmu
þriðjudagur: Dúllaði með Helgu og Sólu fyrir hádegi, vann myndir, passaði Sasha eftir hádegi
miðvikudagur: passa Sólu, fór með Helgu að skoða Jógakonuna sem við erum að fara að taka myndir af 44 ára og í geðveiku formi, þaðan að taka myndir af listasafni komum seint heim beint að sofa
fimmtudagur: passa Sólu frá kl 06.00 því Helga fór að taka myndir á Safninu, Keyrði út í IKEA og göngugötu, (alveg sjálf) hrikalega montin að rata aftur heim
föstudagur: vaknaði kl 05.00 fór að taka myndir með Helgu og Anítu (samstarfskona Helgu í ljósmynduninni) af Listasafninu, tókst vel, geðveikt gaman að vera þegar sólarupprás er, sjá litabreytinguna og byrtuna koma. Fórum til Mikey, dúkalögðum eitt herbergi ( JÁ VIÐ STELPURNAR) hrikalega flott hjá okkur. Fórum að ná í filmur í framköllun, flottar myndir hjá Anítu og Helgu. Er að passa Sólu því Helga og Lexi fóru í bíó, dúllan er sofandi og ég að borða ís, horfa á%

Sveitasæla

Jæja við erum búnar að fara uppí sveit og eiga þar yndislega daga. Fórum að heimsækja ömmu og afa Sólu. Við fórum svo með ömmu í bíltúr og fórum á stóran búgarð sem ræktar grasker, maís og korn. Á búgarðinum voru líka dýr. Einn mánuð á ári eru þau með opið fyrir gesti og gangandi og getur maður þá rölt um keypt grasker, klappað dýrunum og allt það. Þetta var voða gaman. Við sáum risastóran hest (belgískan) og svo pínkulitla hesta líka og voru þeir varla stærri en sóla. Þetta fólk kann sko að selja. maður borgaði aðgangseyri, svo var hægt að kaupa grasker og ýmsar vörur sem þau voru búin að vinna. Þau voru með sjoppu og búin að útbúa lítið stúdíó þar sem þú gast látið taka myndir af þér í graskerja og laufblaða dóti einhverju, þ.e. bakgrunnurinn var þannig. Þú sast sem sagt innan um laufblöð (rauð) og graskerin mismunandi stór í kringum þig. Svo þar sem geitur og kindur voru var svona nammisjálfsali með fræi í og þar þurftirðu að borga ef þig langaði nú að gefa rollugreijunum eitthvað.
Æ nenni ekki að skrifa meira í bili skrifa kannski meira þegar kvölda tekur hjá mér eða á morgun
Ætla að hringja í mömmu

Arkitekturamyndir

Jæja fór í fyrstu myndatökuna í dag sem ekki er tekin hér í stúdíóinu.
Helga var að taka myndir af þremur baðherbergjum og einu eldhúsi. Þetta var í svaka húsi í San Francisco á fjórum hæðum. Íbúð á neðstu hæðinni sem leigð var út. Við fórum ekki inn í hana en það er búið að gera hana alveg upp. Eldhúsið var rosalegt. Hann hefur víst mikinn áhuga á eldamennsku annar gaurinn (sko hommar sem eiga húsið) hann er einhver mikill kall í óperunni í SF. JÁ sko það voru t.d. sex gashellur. Það var náttúrulega risastór amerískur ísskápur, tveir stórir ofnar. Það var lítill ofn þar til að hita diskana upp. Það kannast náttúrlega allir við það hvað það er óþolandi að hafa diskana kalda heima hjá sér. Það var ein stór uppþvottavél og tvær litlar. Já mamma held að þú getir nú farið að fá þér eins og eina uppþvottavél, þegar gæjar í SF eru með þrjár í sama eldhúsinu! Það voru tveir risavaskar og 20 innstungur. Pæliði í því að hafa tuttugu innstungur í einu eldhúsi.
Svo tók Helga myndir af þremur klósettum eitt sem var við hlið eldhússins og var það pinkulítið bara klósett og vaskur voða flott
Á hæðinni fyrir ofan var klósett og gufubað og vaskur, já ekkert smá að hafa gufubaðsklefa heima hjá sér. Efst uppi var svo klósett vaskur og kínveskt bað. Það er þannig að maður getur staðið eða setið í því. Rosalega djúpt sem sé, ekki þetta venjulega bað eins og við eigum að venjast. Á efstu hæðinni var hinn gaurinn (ekki óperugaurinn) með myndlistarstúdíó. Hann var með geymslu með ýmsum myndum og svo var hann með stórt svæði þar sem hann var með olíumálningu en svo var aðeins minna herbergi með vatnslitamálningu. Þetta verður alveg svkalega flott þegar þeir eru búnir að taka þetta allt í gegn en þeir eiga svo sem svolítið mikið eftir. En eru búnir að gera alveg rosaleg mikið, málarinn sýndi mér gamlar myndir sem þeir tóku þegar þeir keyptu húsið og það er þvílíkur munur. En að taka svona arkitektúramyndir í pinkulitlum herbergjum er ekkert grín. Helga t.d. eyddi heillöngum tíma ofaní baðkerinu kínverska með þrífót og allt draslið (nóta bene það var ekkert vatn og þægindi í það skiptið) en það var gaman að fara svona út og aðstoða við myndatökuna og sjá meistarann að störfum.

Já hún Ingibjörg amma mín er 94 í dag og við Helga hringdum í hana. Hún spurði Helgu bara hvort að ég hlýddi henni nokkuð??? skil nú ekkert hvað hún er að meina með því! Ég hlýði alltaf því sem mér er sagt, eða er það ekki!

Nú á morgun förum við hér uppí sveit 2-3 tíma í burtu og heimsækjum afa og ömmu Sólu það verður örugglega fínt.

Knús og sólarkveðjur
Harpa

Sol og bliða

Er ekki lífið undarlegt hér sit ég (ö ekki núna því nú er klukkan20.35) í sólinni í Kaliforníu á meðan vinir mínir og elskur eru hinum megin á hnettinum að skjálfa sér til hita því að fyrstu mínus tölurnar eru byrjaðar að sjást á mælinum. Ég veit að minnsta kosti um tvær manneskjur sem kíkja kvölds og morgna á úti mælinn til þess að sjá hversu mikill hiti var að degi til og að nóttu til. Hversu mikill hitamunur er á einum sólarhring o.s.frv.
Dagurinn í dag var góður ég var með Sólu í dag en hún er búin að vera pínu lasin. Ég fór með hana í langa gönguferð ( jájá ég veit, fór þótt að hún væri lasin) enda var geggjuð mikil sól í dag. Hún sofnaði svo á leiðinni heim þannig að ég fór bara og vippaði mér úr fötunum og fór í sólbað í garðinum okkar. Kræst það var enginn smá hiti og þegar Helga og Lexi komu heim voru þær í sjokki yfir því hvað ég var orðin brún. Var nú bara samt úti í c.a 2 tíma. Já svona er lífið melló hjá mér. (enda pínu skrítið)
Á morgun er ég að fara með Helgu í myndatöku í San Francisco þar er hún að fara að taka myndir af arkitektúr. Sem sagt mynda eldhús og tvö baðherbergi skilst mér. Hún hefur unnið fyrir þennan arkitektúr áður og við eigum fleiri verkefni í vændum hjá sama aðila.
Við erum á fullu að vinna í stúdíóinu, þá meina ég að koma alskyns dóti þar fyrir og í gær vorum við að festa upp myndir, hillu og segultöflu. Svo festum við líka upp mynd hjá mér.
í kvöld erum við að fara að setja hjól undir borð í stúdíóinu þannig að við getum rennt því út þegar verið er að taka myndir sem þurfa mikið pláss. En að jafnaði verður þetta vinnuborð þarna inni. Ég er aðeins búin að vera að vinna í myndum fyrir mikey og hún er himin lifandi yfir myndasíðunni sem ég er búin að útbúa fyrir hana.

jæja núna ætla ég að fara að horfa á einhverja þætti í sjónvarpinu sem ég kem til með að horfa á aftur eftir ár heima á frónni. Eða kannski nýti ég tíman í eitthvað annað þá.

Hey já og svo er myndavélin mín einhversstaðar á leiðinni frá NY
knús og kossar frá mér

HARPA

Var i myndatöku!

Eins og þið vitið sjálfsagt er oft verið að tala um að reykningar og sólarljós hafi slæm áhrif á húðina. Ég var nú ekkert búin að taka neitt eftir því. Tja ekki fyrr en ég fékk þessa mynd úr framköllun sem að hún Helga tók af mér um daginn

Annars er lífið bara yndislegt hjá mér

Kveðja Harpa

Hey Jens til hamingju með afmælið í dag

nyjar myndir og misskilningurinn um JON BROÐUR!!!

Gott fólk það eru komnar fullt af myndum á nýju myndasíðuna. Þið getið klikkað á linkinn hérna við hliðina af þið viljið fara beint á síðuna. Það er ekki hægt að kommenta á myndirnar nema að maður sé með myndasíðu sjálfur en það væri gaman ef að þið mynduð bara skrifa um myndirnar hér í kommentin!
Þessi helgi var alveg geggjuð og maður er bara hálf eftir sig eða þannig. Um næstu helgi förum við í heimsókn uppí sveit til föður ömmu og afa Sólu og það verður vonandi skemmtilegt. Hér er farið að hausta og mörg tré farin að roðna. Mikið finnst mér það fallegt þegar rauði liturinn byrtist í trjánum.

Jæja hér verð ég að útskýra pínu
Jón bróðir er í raun ekki jón bróðir heldur Jón Ingi frændi. EN við erum svona næstum því hálfsystkyni ÞVÍ að feður okkar eru tvíburar eineggja (þó að amma segi annað) þeir eru því með nákvæmlega sömu genin eins og margir hafa séð og það gerir okkur Jón bara rosalega mikið lík og skyld og þess vegna kallar hann mig alltaf tvíburasystur sína og ég hann tvíburabróður minn en það eru bara nokkrir dagar á milli afmæla okkar. Hann er í janúar 72 og ég í febrúar sama ár. Jamm við erum sko að verða 35 dííí

Knúsí músí

Harpa

ovænt gleði og tyndur hundur

KRÆST VITIÐI HVAÐ????

Við lágum hér í makindum okkar allar þrjár konurnar á heimilinu á miðvikudagskvöldi þegar það var alveg þrumað á hurðina hjá okkur. Það var bara bankað eins og lögreglan væri komin í fýkniefnagreni (ö ekki að ég sé of þar heldur svona eins og sést í bíóinu) sem sagt alveg hamrað á hurðina. Ég hugsaði æ fokk maður nú er einhver kominn útaf bílnum sem ég lagði í vitlaust stæði þegar ég kom úr búðinni áðan. Hinar tvær hugsuðu líka um bíla eða að um ribbalda væri að ræða. Helga (matsjóinn á heimilinu) fór til dyra kíkti út leit svo á mig, opnaði hurðina og sagði svo ÉG TRÚI ÞESSU EKKI ÞIÐ ERUÐ ÓTRÚLEG. HUMM, einhver frá ÍSLANDI????? SVO VAR ÖSKRAÐ OG HLEGIÐ OG TALAÐ OG ÖSKRAÐ MEIRA OG HLEGIÐ MEIRA. Vitiði bara hvað Jón Ingi og Valborg komu frá Íslandi í óvænta heimsókn. Ótrúlega skemmtilegt þau eru bara yndisleg og vitiði meira að segja hvað! Jón hafði fengið vin sinn sem er flugmaður til að taka sig með til USA og Valborg hélt að hún væri bara að skutla honum á flugvöllinn en þegar þau komu á völlin þá var Valborgu réttur flugmiði, búið að redda öllu fyrir hana, vinnunni, skólanum og barnapössun. Búið að pakka litlu sem engu niður fyrir hana því hún átti að kaupa sér fullt af fötum, sem hún og gerði. Já þau komu og versluðu skemmtu okkur og við þeim pínu. Fóru með okkur í ferðir t.d. til Napa að smakka vín og til San Fran í dag til að skoða hitt og þetta. Fórum á Golden Gate brúnna og keyrðum hér og þar um borgina. Ég fer að verða fær í að skipuleggja ferðirnar þegar þið farið að koma til mín elskurnar mínar! Svo fóru þessar elskur áðan og ég bara fór að gráta þegar ég var búin að kveðja og ég held að Lexi ætli að skrifa í dagbókina sína... Harpa fór AFTUR að væla í dag hehe

Því að í gær

Fórum við að versla, þau JI og V keyptu FULLLT en ég nokkrar jólagjafir ha já jólagjafir! (verið að nýta ferðina með V og Jóni)
Sem sagt við vorum úti í stúdíói (þau sváfu þar) Jón sofandi, Valborg að máta og pakka og ég að pakka inn jólagjöfum. Ég hljóp inn í hús og náði í skæri. Kom út aftur, ætlaði að fara að pakka gjöfum, heyrði þrusk úti hélt áfram að bauka eitthvað, æ og svona eftir 10 mín þá vantaði mig eitthvað inn og hljóp þangað, sá að hurðin var opin (hafði greinilega lokað henni illa áðan) shitt sá svo að það var ekki alveg lokað inn í garðinn. Fór inn athugaði hvort Lucy (hundurinn á heimilinu) væri inni. EN NEI auðvitað hafði þruskið áðan verið þegar Lucy fór út úr garðinum. Ég hljóp út á götu sá hana ekki þar, kallaði á Valborgu, þú verður að finna hundin með mér. Við sáum hana ekki, þannig að ég fór inn vakti Lexi og við fórum að leita. Ég sem sagt hljóp hér um allt hverfi í náttbuxum og peysu (brjóstahaldaralaus) og kallaði á Lucy, blístraði og bað til Guðs að það væri nú ekki búin að keyra yfir hundspottið. Við leituðum og leituðum og loks kom Helga út og leitaði líka. Þær sögðu að hún (þ.e. hundurinn) færi oftast ekki langt og að sjálfsögðu fann Helga hana fjórum görðum hér frá. Hundurinn er náttúrulega orðinn 105 ára og fer nú ekki hratt yfir og var að dúllast hjá nágrannanum. Kræst hvað ég var ánægð þegar hann fannst. Ætlaði sko ekki að hafa það á samviskunni að eitthvað kæmi fyrir hundinn. Ég held að ég hafi fengið pínu sjokk því þegar hann var kominn inn og ég var að biðja Lexi afsökunar á að hafa ekki passað að loka betur fór ég að hágrenja og ég meina HÁGRENJA. Var svo uppveðruð þannig að þegar ég var búin að pakka jólagjöfunum og gera það sem ég þurfti að gera fannst mér ég ekkert þreytt, lagðist í rúmið og var nánast sofnuð á augabragði og byrjaði að dreyma eitthvað rugl.

Ha ha það er nefnilega pínu fyndið að um daginn þá spurði Helga mig hvort að mig dreymdi mikið og ég sagði nei og ef að mig dreymdi eitthvað þá myndi ég það aldrei. Mig er búið að dreyma stanslaust síðan alskonar kjaftæði. Í nótt var ég til dæmis í íbúð þar sem vinur minn var með frystiskáp, frystiskápurinn var að vísu eins og stórt herbergi og það var svo mikill ísing þar að vinur minn var að höggva ísinn með ísexi hehe.

Jæja er ekki komið nóg í bili!!
kv Harpa dauðþreytt eftir góða heimsókn

verð tölvulaus nuna i einhverja tima!

Hæ hó allt gott hjá mér að frétta. var núna áðan að senda pöntun á nýja myndavél, minniskort og eitt stikki batterý
Fæ hana ekki alveg strax því að blessaðir gyðingarnir eru í einhverju fríi þarna í NY.
En eins og þið sjáið vonandi er ég búin að setja upp linka hér til hliðar og þar ættuð þið að komast inn á ljósmyndasíðuna mína ásamt öðru skemmtilegu. Mamma það þarf bara að klikka á linkinn (þú sagðir nebblega að þú kæmist ekki inn á hana)
æ ég skrifa eitthvað skemmtilegt mjög fljótlega t.d. um konuna sem Helga er að vinna hjá og ég er að taka myndir fyrir og setja á vefsíðu.

Knús til ykkar

Hey Ása hvernig er þetta með myndirnar
Hanna hehe myndin var ógurlega stór þegar hún kom (af bjórþambaranum flotta)
Kristianna go for it bíð spennt eftir fréttum
Rugreb gott að sjá að þú sért ekki alveg dauður
Jón bróðir haltu áfram að kommenta það er svo gaman þegar einhver gerir það
Pabbi minn hlakka til að fá næsta bréf
Mamma líka frá þér
Þóra Jóna hélt að þú værir bara hætt með mér en skil núna ástæðuna geggjað að gera en ég VEIT að þú ert best í brjálæðinu
Kristín er alveg að fara að skoða þetta með tryggingarnar

og þið hin
...
Elska ykkur líka

Fyrir bjalfabarn að norðan!

Þegar maður kommentar hér þá ferðu í comments og þar ferðu í other og skrifar nafnið þitt í name hehe. svo þegar þú ert búin að skrifa texta í stóra gluggan þá getur þú annað hvort séð hvað þú ert búin að gera með því að ýta á preview eða bara sent þetta á síðuna með því að ýta á publish your comment. Þú ert nú orðin svo mikill tölvusnilli að þú ættir alveg að geta þetta!!!

kveðja
Harpa

Opið bref til Jons broðurs

Elsku Jón minn!
Takk fyrir að vera svona duglegur að kommenta.
Frúin þín tók við myndavélinni þinni, Nei sorrý það var linsan, ö skilaði henni síðar. Ég kom með myndavélina þína alveg pottþétt til þín og ljósaborðið þitt og litlu ljósmyndabókina líka. Það var allt saman í poka.
Nei ég er ekki enn búin að kaupa myndavél en við Helga erum online að skoða híhí! Veistu hvort að hægt sé að tengja 5D við tölvu og taka beint þannig?
Nei ég vissi nú ekki að ég ætti að leita að þessari átlett búð fyrir þig!!!
Humm já ha ljósmyndanám ha hvað hehe nei nei held að það sé allt að ganga ég er til dæmis búin að vera að taka myndir af málverkum í allan dag.
Til hamingju með fyrsta leiksigurinn á ljósvökunum elsku frænka mín (viltu skila þessu til hennar)

Já og aftur hummmm hvað er með þetta að koma heim um jólin ég er ekkert að koma heim um jólin, ætla að prófa útlensk jól í fyrsta skipi (segir hún og kyngir munnvatni)
En ég helda að bhphotovideo séu ódýrastir.

Knús til ykkar allra
Harpa besta systir hehe

ja ja kominn sunnudagur!

HVA! voðalega er þetta fljótt að líða!
Ummm á föstudaginn vorum við með kjöt í karrý að borða. það er uppáhaldið mitt og Helga er rosalega hrifin af því líka. En ótrúlegt en satt þá er Lexi ekki hrifin af gulu karrýi en hún eldar úr rauðu karrýi, ekki veit ég munin á því en fæ sjálfsagt að kynnast því bráðum. En við átum allar á okkur gat og vel það. Ég gerði líka þessa hrikalega góðu karrýsósu eftir að hafa meilað í eldhús mömmu á Íslandi. Jamm trúiði því ég þarf að hringja í mömmu í hvert skipti sem ég bý til sósu! Það segir nú allt um eldamennskuna hjá mér!HUmm! Hefði nú ekki þótt gott efni í húsmóður hér áður fyrr, hússtjórnarskólagengin ha!
Ég fór á laugardaginn með Lexi og Sólu yfir til San Francisco. Við fórum með ferju (nokkurskonar hraðbát) Við fórum á stóran útimarkað og Lexi keypti allskyns varning. Svo borðuðum við úti á mexikönskum veitingastað. Rosalega góður matur einhverskonar pönnukökur með baunum, avakadó og salati. VIð fórum svo aftur heim með ferjunni og fórum í smá bíltúr um hverfið. Þær eru voða duglegar að fara með mig hitt og þetta og sýna mér staði sem ég get farið með Sólu og svo bara sjálf ef mig langar það. Hef nánast ekkert farið ein og sjálf að kanna umhverfið. Veit ekki útaf hverju ég er svona rög við það núna,ekki líkt sjálfri mér að fara ekki hingað og þangað. Sjálfsagt vegna þess að ég hef Helgu og Lexi mér til halds og trausts. En ég ætla að fara með lestinni til San Francisco um næstu helgi ef við erum ekki að fara eitthvað annað. Drífa mig að fara að eyða deginum ein einhversstaðar. Það sem eftir lifði af laugardeginum fór í að taka til í stúdíóinu horfa á Tv borða og taka meira til.
Í dag sunnudag settum við helga upp stúdóið og ég reyndi að taka andlitsmyndir (prufur) af Sólu. það gekk nú hálf brösulega því að filmurnar (poloroid) voru ónýtar og ekkert kom á myndirnar. Allar svarthvítu voru ónýtar en svo prufuðum við lit og ég gat prófað mig pínu áfram þar því að þær voru næstum því ok. Við ætlum kannski að prófa aftur í fyrramálið eða á þriðjudaginn.
Mamma og pabbi hringdu í dag, Óvænt og ánægjulegt að heyra í þeim. Það er svo skrýtið að ég hef varla fundið fyrir heimþrá nema bara þetta eina skipti um daginn. En alltaf þegar ég tala við pabba þá klökna ég og fæ tár í augun. Veit ekki hvað það á að fyrirstilla!
Það hafa nokkrir beðið mig um adressuna mína og símanúmer og hér kemur það

GHI
4244 Suter Street
Oakland 94619
California
Usa

Svo er síminn hér 510 532 7076 Held þið hringið í oo1 fyrst?

Ö svo er ég með gemsa æ man ekki númerið á honum segi það á morgun hehe

knús og kossar á sunnudagskvöldi eða hvenær sem þið lesið þetta

Harpa

Gyðingamessa

Gleymdi að segja ykkur frá því að á mánudaginn var heilagur dagur hjá Gyðingum. Við fórum því til San fransisco í messu (eða þannig) fyrst fórum við í barnamessu þar sem mikið var sungið og hlegið og haft gaman og Sóla fílaði sig í tætlur því hún er mjög mikið fyrir að vera með fólki. Svo fórum við í fullorðinsmessu og það var mjög spes. Nokkrir kallar/konur með ræður og mikill söngur og tónað. Það var mikið talað á Hebresku og var það skemmtileg upplifun. Svo var gengið með torah (sem er heilagt,það allra heilagasta) um salinn og fólk kyssti trefla (eða þannig) sem það var með um hálsinn og setti á torah og kyssti svo aftur. Já þetta var bara skemmtilegt. Svo fórum við Helga niður í bæ því að ég þarf nú að vita hvar allar aðalbúðirnar eru þegar þið farið að koma hér í hrönnum til að versla. hehe

Ekki meira í bili
Harpa g....

Sunnudagurinn 1 október

Í dag fór ég á Indíánahátið. Hún var haldin hér rétt heima hjá okkur. Þetta var einhverskonar helgiathöfn en einnig keppni á eftir. það var keppni um fallegustu búningana og líka hvernig þeir dönsuðu. Ekki veit ég hvernig dómar fóru fram né hvernig leikar fóru en þetta var að minnsta kosti upplifelsi og mjög gaman. Ég tók myndir sem þið getið séð á myndasíðunni minni http://www.flickr.com/photos/harpaingimundar/
Tók mynd af einum indíána og í staðin varð ég að kaupa handa honum kaffi! við fórum því á kaffihús eftir leikana og það var rosalega gaman. sátum á litlu kaffihúsi ég á bol og hnébuxum en hann í fullum herklæðum. Við skildum hvort annað ekki mikið því að hann var mun verri í ensku en ég. En ég skildi þó þegar hann sagði þú koma heim með mér? og hann skildi þegar ég sagði NEI NEI og ég skildi þegar hann sagði jújú nóg pláss með mömmu hænunni og öllum hinum dýrunum! Nei grín ég fór nú bara í einhverja röð til að ná í kaffi handa honum og lét dóttur hans fá kaffið! en hin sagan var mun skemmtilegri en það er nú ekki amalegt að vera búin að bjóða Indíána í kaffi ekki einu sinni búin að vera hér í tvær vikur hehe
en jamm set inn hér eina mynd af indíánanum.
Knús í krús
Harpa bláeygða

A ER (braðamottökuna)

Laugardagur 30.sept

Jæja ég fór á bráðamóttökuna í dag. Lexi á hund sem er orðin gamall og slappur. Hann er á lyfjum vegna krankleika. Hún var að gefa honum töflu og setti töfluna í brauð. Lucy (hundurinn) fann fyrir töflunni (beit hana örugglega í tvennt) og spýtti brauðinu út úr sér. Sóla var fljót að taka brauðið og stinga því uppí sig. Lexi sá það og var jafnfljót að skófla því út úr henni aftur en það var bara hálf pilla í brauðinu. Hafði hundurinn étið hinn helminginn eða barnið???? Lexi hringdi í ofboði í eiturefnadeildina sem sagði henni að fara strax niður á bráðamóttöku og þau myndu hringja á undan okkur. Við drifum okku í bílinn og brunuðum af stað. Þar beið fullt af fólki en okkur var hleypt inn strax, læknirinn spurði Lexi spjörunum úr og Sóla var hlustuð og mæld á alla kanta. Það var ákveðið að setja hana í herbergi og þar biðum við í pínu stund sem að vísu virtist heil eilífð. Svo kom hjúkkan með kol (man ekki hvað það heitir á íslensku) en þetta sogar í sig eiturefnin þannig að þau verða ekki skaðleg heldur bara fara beint út með öðrum úrgangi. ó mæ god þetta var ekki skemmtileg lífsreynsla. Við þurftum að halda sólu á meðan verið var að sprauta efninu uppí hana. Hún átti að fá fimm stórar sprautur. Sóla argaði eins og ljón og Lexi var í sjokki og gráti næst. Þegar við vorum búnar með 2 og hálfa sprautu kom læknirinn. Herra hrikalega myndalegur! Hann talaði við Lexi og ákveðið var að gefa Sólu ekki meira af vökvanum ógeðslega. Því að það var pottþétt að hún hefði bara fengið hálfa hundapillu ef að hún hefði fengið eitthvað af henni þar að segja. Aumingja litla snúllan skildi ekkert í þessum pintingum, var öll svört í framan og var með ekka í langan tíma á eftir. Hjúkrunarkonan fór fram, kom svo aftur eftir 15 mín og sóla þóttist ekki sjá hana. Læknirninn sagði að við þyrftum að bíða í 1tíma og þá yrði gert lokatjékk á sólu. Mínúturnar voru ótrúlega lengi að líða en loks kom herra myndarlegur og útskrifaði hana. Jamm þetta er fyrsta og vonandi síðasta reynsla mín af ER. Tja nema náttúrulega að ég hitti lækninn á næsta bar hehe

ubs myndasiðan ekki a rettum stað

eitthvað er þetta nú ekki að ganga eins og það á að gera

Hey Harpa tölvugúrú er búin að redda þessu síðan er http://www.flickr.com/photos/harpaingimundar

Þar ætla ég að setja allar svona heimilis og party myndir en á hinni síðunni verða frekar svona landslags og svoleiðisljósmyndir


kveðja Harpa

Ny myndasiða lika

Ákvað að setja eina mynd sem að Helga tók af mér. Hér er ég á nýja klósettinu mínu að lesa STÓRU LJÓSMYNDASÖGUBÓKINA, biblíu ljósmyndarans eða þannig hehe. Ég er komin með nýja myndasíðu þar sem ég set myndirnar mínar frá usa inná hún heitir.
flickr.com/photos/harpa.ingimundar
Þið ættuð að komast á hana núna en látið mig vita ef að það gengur ekki
knús harpa

Ótrulegustu typur

Það er nú alveg ótrúlegt hvað ég hef hitt margar tegundir af fjölskyldum hér og týpum af fólki. Á þessum stutta tíma mínum er ég t.d. búin að hitta þessi fjölskyldumynstur:
mamma, pabbi, barn. Pabbinn er djassleikari með stutt brúnt hár og hanakamb, mamman var áður gift manni og þau áttu tvo hunda og núna skiptast þau á vikulega að hafa hundana. Kræst!! Ö bæ ðe vei ég er að passa strákinn þeirra núna.
Tvær mömmur og barn. Eins og Lexi, Helga og Sóla. Mjög normal fjölskylda hér. Já og þeim fylgir líka einn hundur og einn köttur og frænka frá Íslandi í bakgarðinum.
Tvær mömmur barn og tveir pabbar! Humm mömmurnar hafa barnið 70% tímans en pabbarnir afganginn.
Tveir pabbar og barn. Voða krúttilegur læknir og maður hans. Hef svo sem ekkert um það að segja nema það er ömurlegt að sjá alla þessa flottu kalla endilega með öðrum köllum hehe.
Svo er ég búin að sjá fólk í öllum litum og sem aðhyllast öllum trúarbrögðum líka. T.d. svarta, mexikóa, hvíta og gula. Indíána, gyðinga, Kristna og ég veit ekki hvað.

Nóg af þessu í bili
Kveðja
Harpa

Fyrst af öllu!

Hjartanlega velkomin á nýja bloggið mitt!
Nú er bara að sjá hvernig þetta nýja dúllublogg virkar og HVORT það virkar yfirleitt hér hjá mér
Gaman verður að sjá það

Skúbbídúú nú ætla ég að prófa að ýta á publish post og ath hvort eitthvað gerist

Knús annars dúllurnar mínar

Harpa í indíána og gyðingahugleiðingum